《一百零一》
每次返到香港總有一種Finally I am home 既感覺。
記得上次黎自Tunisia(北非一個國家) 既朋友Imene黎香港，夜晚十點接完佢機就去左我屋企樓下食雲吞麵。坐底嗌左聲小二，碗麵9秒9就放左係面前。突然我feel到有一對好奇異既目光望住我。我向右望一望，Imene細細聲問我：They know what are we going to eat before we come in?我即卡笑左，應左句：come on, you are in Hong Kong就繼續食我既麵。
食飽飽就一齊反屋企，Imene見我禁25樓既時候呆左：you stay on 25/f?wtf?我話:yes, and it is not really high actually.打開門口更令佢覺得wtf X2既事發生了。雖然佢禮貌上無講出口，但認真，我成間屋或者都有佢屋企間主人房禁大既。為左保持霸氣，我即卡講句左:do you know how much this sq meter cost?即時完勝KO左佢。
之後果幾日都係去下女人街，天壇大佛，山頂呢d基本野。而係偉大既祖國支持下，新香港人將沙甸魚呢三個字發揮到一個極致，再一次震懾我呢個黎自非洲既朋友。而係呢個禁神奇既國度，無論去到邊都不忘同身後一百萬個人頭合照是必須的。
香港之旅chur 足5日絕對令佢體驗到亞洲人既生活態度就係唔使急最緊要快。前文講既香港其實我已經完全習慣左，唔講都唔會覺得有咩問題。而去到最後一日，Imene突然問我: why are Hong Kong people always angry? 我呆一呆，angry?我無wor。我自問都只係一名廢青，日日不務正業，儲埋d錢用曬去旅行，唯一有小小成就係我開心囉(自以為)。之後我答佢: no, I am happy:) 點知佢話:I am not talking about you but the people around！我望下周圍既人:Maybe they are just too busy to smile.
講講下講到香港好似無樣好，唔怪得個個話要移民啦。但如果你問我，我又真係無唸過，亦都唔敢想像我要永遠離開呢個地方。或者香港會變得愈黎愈畸形，但我始終覺得真正屬於我既家由此至終只有一個。
笑多d啦香港人，比起好多非洲兒童其實我地真係好幸福。拉長一世人黎睇，你依家果小小唔開心，簡直連一條毛都不如。都係果句啦，心態決定境界。如果你搵到100個原因放棄呢個地方，總會有第101個原因令你堅持落去。
Search